HUDUMA YA TRENI ZA ABIRIA NA MIZIGO KUHAMISHIWA MOROGORO KUANZIA KESHO!

KAMPUNI YA RELI TANZANIA(TRL)

 

     

 

 

 

TAARIFA KWA VYOMBO VYA HABARI –PRESS RELEASE

 SAM_0537

HUDUMA YA TRENI ZA ABIRIA NA MIZIGO  KUANZIA MOROGORO HAPO KESHO JUMAMOSI MEI 20, 2017

 

Uongozi  Kampuni ya Reli Tanzania (TRL) umetangaza kuhamishia kwa muda huduma ya usafiri wa treni kwenda bara katika kituo cha Morogoro kuanzia kesho Jumamosi Mei 20, 2017, badala ya  Dar es Salaam. Abiria watakaohusika ni wale wenye tiketi waliokuwa waondoke leo  Ijumaa na wale wa Jumapili ambao treni zao zimefutwa.

 

Kwa mujibu wa taarifa ya TRL abiria wanatakiwa wafike kituo kikuu cha Reli Dar es Salaam kesho Jumamosi  kabla ya .saa  Moja asubuhi ambapo watasafirishwa kwa mabasi maalum yaliyokodiwa na TRL hadi Morogoro ambako watapanda  treni kwenda bara itakayoondoka  saa Moja kamili usiku.

 

Kuhusu Wafanya biashara  wasafirishaji wa shehena kwenda bara wametakiwa kuwasiliana na Idara ya masoko ya TRL ili kupewa utaratibu wa jinsi ya kusafirisha mizigo yao hadi Morogoro ambako itasafirishwa kwa treni kwenda bara.

Uamuzi huu umechukuliwa kufuatia kipande cha reli kati ya Dar es Salaam na Ruvu kuwa hakipitiki baada ya daraja la reli la Ruvu kutitia upande mmoja

 

Mamlaka husika zinafanyia kazi ukarabati wa daraja hilo ili njia ya reli kutoka hadi Morogoro  ifunguliwa kwa muda mfupi iwezekanavyo.

 

Wakati huo huo Mwenyekiti wa Bodi ya TRL Profesa John Kondoro na wajumbe wengine wa Bodi asubuhi hii wametembelea eneo la daraja ambapo walifanya tathmini na  Bodi kama mamlaka ilitoa  maelekezo yake kwa Menejimenti ya TRLi  kuhusu maandalizi  na utekelezaji wa  kazi za ukarabati wa daraja hilo..

 

Imetolewa na Afisi ya Uhusiano:

Kwa Niaba ya Kaimu Mkurugenzi Mtendaji wa KampunI ya Reli Tanzania(TRL),

Ndugu Focus Makoye Sahani,

Mei 19, 2017

DAR ES SALAAM

TAARIFA KWA VYOMBO VYA HABARI(PRESS RELEASE)

Mkurugenzi Mtendaji wa TRL Nd Masanja Kadogosa

 

KADOGOSA ATEULIWA KUWA MKURUGENZI MTENDAJI MPYA WA TRL

 

Waziri wa Ujenzi, Uchukuzi na Mawasiliano Profesa Makame Mnyaa Mbarawa amemteua Nd Masanja Kungu Kadogosa(41) kuwa Mkurugenzi Mtendaji mpya wa kampuni ya Reli Tanzania(TRL). Uteuzi huo umeanza Julai 01, 2016.

Ndugu Kadogosa mapema Februari 4, 2016 aliteuliwa na Serikali kukaimu nafasi hiyo ya Mkurugenzi Mtendaji wa TRL baada ya Kaimu Mkurugenzi Mtendaji wa awali Mhandisi Elias Mshana kuanza likizo ya kustaafu.

Aidha kabla ya kuteuliwa kushika wadhifa wa juu katika TRL Nd Kadogosa alikuwa Mkurugenzi wa Mikopo katika Benki ya ya Maendeleo ya TIB. Kitaaluma Mkurugenzi huyo mpya ni msomi wa Masuala ya Uhasibu, Usimamizi wa Fedha  na Benki akiwa na Shahada ya Uzamili katika Utawala wa Biashara aliofuzu katika Chuo kikuu cha Umea mwaka 2004 nchini  Sweden .

 

Usafiri wa Treni ya Dar – Ubungo Maziwa waanza tena!

posted in: Emergency Notices, Notices | 0

Hatimaye huduma ya treni ya abiria ya Jijini Dar es Salaam maarufu kama ‘Treni ya Mwakyembe’ imeanza tena jana asubuhi Oktoba 22, 2015.

Kwa mujibu wa Idara ya Masoko ya TRL huduma hiyo imeweza kuanza kutokana na kuwasili ‘brake blocks’ za kutosha ambazo tayari zimefungwa katika mabehewa ya abiria ya treni hiyo.

Kuhusu uhakika wa huduma hiyo imefahamika hivi sasa TRL inatumia kichwa kikubwa cha treni aina  mpya vya Class 88U katika awamu mbili za asubuhi na jioni kila awamu ina safari 3.

Muda wa kuanza huduma ni saa 12 asubuhi kutokea kituo cha Ubungo wa Maziwa na saa 10 jioni kutokea Kituo cha Dar kwa siku za  Jumatatu hadi Ijumaa isipokuwa siku za Jumamosi na Jumapili na siku za sikukuu.

Atakayesoma taarifa hii amuarifu mwenziwe.

 

Imetolewa na Afisi ya Uhusiano kwa Niaba ya

Kaimu Mkurugenzi Mtendaji wa TRL

Mhandisi Elias Mshana.

Dar es Salaam,

Oktoba 23, 2015